១. សុចរិតភាព

យើងខ្ញុំប្តេជ្ញាចិត្តថានឹងប្រកាន់ខ្ជាប់នូវគុណភាពនៃភាពស្មោះត្រង់ ចំពោះអតិថិជនរបស់យើងខ្ញុំ និងមានគោលការណ៍ក្រមសីលធម៌ខ្ពស់ ដែលបង្រួបបង្រួមយើងខ្ញុំដោយមិនមានការបែងចែកជាក្រុម។

២. ការយល់ចិត្ត

យើងខ្ញុំប្តេជ្ញាចិត្តថាយើងនឹងយល់ដឹងពីការប្រែប្រួលអារម្មណ៍របស់កុមារ និងបទពិសោធន៍នៃកូនៗរបស់យើង និងគ្រួសាររបស់ពួកគាត់។ ដើម្បីឱ្យពួកយើងពង្រឹងទំនាក់ទំនងជាមួយគ្នាទៅវិញទៅមកឱ្យកាន់តែរឹងមាំ ក្នុងលក្ខណៈជាគ្រួសារ និងបង្កើតទំនាក់ទំនងប្រកបដោយប្រសិទ្ធភាពជាមួយអតិថិជនរបស់យើង។

៣. ការងារជាក្រុម

យើងខ្ញុំប្តេជ្ញាចិត្តថានឹងជំរុញការទំនាក់ទំនង ការសម្របសម្រួល និងកិច្ចសហប្រតិបត្តិការប្រកបដោយប្រសិទ្ធភាពក្នុងចំណោមសមាជិកក្រុម ដូច្នេះយើងអាចធ្វើការជាក្រុមដើម្បីជួយកូនៗរបស់យើង និងក្រុមគ្រួសាររបស់ពួកគាត់ ក្នុងការផ្ដល់នូវសេវាកម្មដ៏ល្អឥតខ្ចោះ។

៤. គុណភាព

យើងខ្ញុំប្តេជ្ញាចិត្តថានឹងផ្ដល់នូវគុណភាពខ្ពស់ និងសេវាកម្មល្អឥតខ្ចោះដែលបំពេញតាមការរំពឹងទុក និងតម្រូវការរបស់អតិថិជនរបស់យើងខ្ញុំ។

៥. និរន្តរភាព

យើងខ្ញុំប្តេជ្ញាចិត្តថា​នឹងប្រកាន់ខ្ជាប់នូវស្តង់ដាខ្ពស់បំផុតនៃការអនុវត្តក្រមសីលធម៌ ការបើកឱកាសខ្លួនយើងទៅនឹងការសិក្សារៀនសូត្រ ការរីកចម្រើន និងរក្សាគោលការណ៍ដែលជួយយើងផ្តល់នូវសេវាកម្មដែលមានប្រសិទ្ធភាពរយៈពេលយូរ ខណៈពេលដែលមានទំនួលខុសត្រូវក្នុងការរួមចំណែកដល់សុខភាព និងសង្គមដែលមាននិរន្តរភាព។

៦. ការកែលម្អឡើងជាបន្តបន្ទាប់

យើងខ្ញុំប្តេជ្ញាចិត្តចំពោះកិច្ចខិតខំប្រឹងប្រែងជាបន្តបន្ទាប់ដើម្បីបង្កើន​ និងកែលម្អដំណើរការអាជីវកម្ម ផលិតផល សេវាកម្ម និងប្រព័ន្ធអប់រំរបស់យើងខ្ញុំ ដើម្បីធានាថាពួកគេនៅតែ អាចទុកចិត្តបាន និងមានប្រសិទ្ធភាព ដូច្នេះពួកគេនឹងនាំមកនូវលទ្ធផលផ្លាស់ប្ដូរ ដល់អតិថិជន របស់យើងខ្ញុំ ក្រុមគ្រួសាររបស់ពួកគេ និងសហគមន៍ដែលពួកគេរស់នៅ។

៧. ឧត្តមភាពសេវាកម្ម 

យើងខ្ញុំប្តេជ្ញាចិត្តចំពោះការផ្ដល់សេវាកម្ម ជាពិសេសជូនអតិថិជន ពីការចាប់ផ្ដើមដំបូងរហូតដល់បញ្ចប់។ យើងខ្ញុំសន្យាថានឹងផ្ដល់ជូននូវគុណភាពនៃផលិតផល ឬសេវាកម្មដែលមានគុណភាព ផ្ដល់ដំណោះស្រាយយ៉ាងសកម្មចំពោះបញ្ហា និងស្ដាប់មតិកែលម្អរបស់អតិថិជនយ៉ាងយកចិត្តទុកដាក់។