ការយល់ដឹងអំពីសញ្ញាដោនស៊ីនដ្រូម៖ គឺជាការទទួលយកនូវភាពខ្លាំង សមត្ថភាព និងលទ្ធភាព។ ដោនស៊ីនដ្រូមដែលត្រូវបានគេស្គាល់ថា Trisomy 21 គឺជាលក្ខខណ្ឌមួយនៃភាពខុសប្រក្រតីលើក្រូម៉ូសូមដែលកើតមានច្រើនជាងគេក្នុងចំណោមលក្ខខណ្ឌផ្សេងទៀត។ កុមារដែលមានសញ្ញា ដោនស៊ីនដ្រូម ដោយមានចម្លងបន្ថែមនៃក្រូម៉ូសូមទី 21 ដែលជះឥទ្ធិពលដល់ការអភិវឌ្ឍ។ ចំនុចទាំងនេះជួយមាតាបិតា ឱ្យយល់ពីរបៀបនៃការថែទាំ ការយល់ដឹងអំពីដំណើរការ និងការជួយគាំទ្រដល់កុមារ។ 

មូលហេតុបង្កឱ្យមានដោនស៊ីនដ្រូម

រោគសញ្ញា ដោនស៊ីនដ្រូម កើតឡើងដោយសារតែមានភាពខុសគ្នានៃហ្សែនដែលកើតឡើងនៅពេលមានផ្ទៃពោះ។ វាមិន​បណ្តាលមកពីអ្វីដែលឪពុកម្តាយបានធ្វើ ឬមិនបានធ្វើនោះទេ។ ក្រូម៉ូសូមបន្ថែមនាំទៅរកភាពខុសគ្នានៃការអភិវឌ្ឍន៍រួមមាន៖

• ល្បឿននៃការរៀនយឺតជាងកុមារទូទៅ
• មុខមាត់មានលក្ខណៈពិសេសខុសពីកុមារធម្មតា
• សាច់ដុំមានសភាពទន់
• ភាពខុសគ្នានៅក្នុងការនិយាយ និងការទំនាក់ទំនង
• មានភាគរយខ្ពស់ក្នុងការមានបញ្ហាសុខភាពផ្សេងៗ

កុមារគ្រប់រូបមានសភាពខុសៗគ្នា ប្រសិនបើយើងមានការថែទាំបានត្រឹមត្រូវ។ កុមារអាចក្លាយជាបុគ្គលដែលសមត្ថភាពពេញលេញ អាចនិយាយច្បាស់ មានភាពសកម្ម និងមានទំនុកចិត្តក្នុងការរៀនសូត្រ។

ចំណុចខ្លាំង និងសមត្ថភាព

កុមារដែលមានបញ្ហាប្រឈម និងដោនស៊ីនដ្រូមក៏មានចំណុចខ្លាំងគួរឱ្យកត់សម្គាល់ផងដែរ៖

• បំណងប្រាថ្នាខ្លាំងក្នុងការទំនាក់ទំនង
• មានភាពកក់ក្តៅ និងបុគ្គលិកលក្ខណៈសង្គម
• ជំនាញរៀនតាមរយៈការមើលឃើញផ្ទាល់
• សមត្ថភាពធ្វើត្រាប់តាម និងធ្វើឡើងវិញដដែលៗ
• ការបង្កើតភាពច្នៃប្រឌិត និងការបញ្ចេញអារម្មណ៍

ការបង្រៀនតាមបែបរចនាសម្ព័ន្ធ កុមារអាចរៀននៅជំនាញសិក្សា ការទំនាក់ទំនង ជំនាញសង្គម និងការរស់នៅក្នុងជីវិតប្រចាំថ្ងៃបានយ៉ាងមានប្រសិទ្ធភាព។

សារៈសំខាន់នៃការជួយអន្តរគមន៍ឱ្យទាន់ពេលវេលា

ការជួយអន្តរគមន៍ឱ្យទាន់ពេលវេលាមានឥទ្ធិពលខ្លាំង វាជួយបង្កើន៖

• ជំនាញក្នុងការនិយាយ និងភាសា
• ការអភិវឌ្ឍលើចលនា
• ការដំណើរការល្អនៃញាណដឹង
• ការយល់ដឹង និងជំនាញក្នុងការលេង
• ទំនាក់ទំនងសង្គម
• ឯករាជ្យភាព

ការព្យាបាលដូចជា៖ ការព្យាបាលភាសា និងការនិយាយ ការព្យាបាលមុខងារប្រចាំថ្ងៃ វាជាការព្យាបាលដែលបង្កើតនៅមូលដ្ឋានគ្រឹះដ៏រឹងមាំសម្រាប់ការរៀនសូត្រពេញមួយជីវិត។ 

តួនាទីនៃការអប់រំពិសេស

កម្មវិធីអប់រំពិសេសត្រូវបានប្តូរតាមតម្រូវការជាក់ស្តែងសម្រាប់កុមារ។ កម្មវិធីទាំងនេះផ្តោតលើ៖

• ជំនាញភាសា និងការទំនាក់ទំនង
• ជំនាញបំណិនជីវិត និងជំនាញលើការសិក្សា
• ជំនាញនៃការធ្វើចលនា
• អាកប្បកិរិយា និងជំនាញសង្គម
• ជំនាញជួយខ្លួនឯង និងការរស់នៅក្នុងជីវិតប្រចាំថ្ងៃ

គោលដៅគឺបង្កើតបរិយាកាសរីករាយ និងមានរចនាសម្ព័ន្ធច្បាស់លាស់ដែលកុមារអាចអភិវឌ្ឍដោយទំនុកចិត្ត និងភាពរហ័សរហួន។ 

ការបង្កើតបរិយាកាសឱ្យល្អប្រសើរ

កុមារដែលមានដោនស៊ីនដ្រូមអាចរីកចម្រើននៅក្នុងបរិយាកាសដូចជា៖

• មានការយល់ដឹង
• បរិយាបន្ន
• ការអត់ធ្មត់
• ការជំរុញក្នុងការលើកទឹកចិត្ត

គ្រួសារ គ្រូបង្រៀន និងសហគមន៍មានតួនាទីសំខាន់ក្នុងការរួមចំណែកក្នុងការជួយអភិវឌ្ឍដល់កុមារគ្រប់រូប។ 

ការជួយដល់ការគាំទ្រដល់ក្រុមគ្រួសារ

ការចិញ្ចឹមបីបាច់កុមារដែលមានដោនស៊ីនដ្រូមគឺជាកិច្ចការមួយប្រកបដោយភាពសប្បាយរីករាយ និងការជួយដល់ការរៀនសូត្រ។ ការជួយគាំទ្រដល់គ្រួសាររួមមាន៖

• ការបណ្តុះបណ្តាលដល់ឪពុកម្ដាយ ឬអាណាព្យបាល
• ការផ្តល់ប្រឹក្សាយោបល់
• ការគាំទ្រសម្រាប់សហគមន៍
• ការជួយអន្តរគមន៍ឱ្យទាន់ពេលវេលា
• ផ្តល់កម្មវិធីអប់រំពិសេសសម្រាប់កុមារ

អនាគតពោរពេញដោយក្តីសង្ឃឹម

បច្ចុប្បន្ននេះកុមារដែលមានដោនស៊ីនដ្រូមតែងទទួលបានជីវិតដែលមានសុខភាពល្អ និងពេញលេញជាងមុន។ ជាមួយនឹងការយល់ដឹង និងបរិយាបន្ន កុមារទាំងនោះអាចសម្រេចគោលដៅសំខាន់ៗក្នុងជីវិតរបស់ពួកគេ។

កុមារគ្រប់រូបមានសមត្ថភាព សេចក្តីស្រលាញ់ ការទទួលយក និងការគាំទ្រប្រកបដោយភាពត្រឹមត្រូវ ទើបពួកគេអាច

ក្លាយជាបុគ្គលមួយពេញលេញ ការទំនាក់ទំនង និងបង្កើតចំណេះដឹងថ្មីៗដល់ពួកគេ។

Reference
Mayo Clinics about down syndrome :
👉 https://www.mayoclinic.org/locations