សាលាអប់រំពិសេសក្ដីសង្ឃឹមកុមារ ប្រើប្រាស់កម្មវិធី TEACCH® Structured Teaching មកពីសាកលវិទ្យាល័យ North Carolina ក្នុងសហរដ្ឋអាមេរិក។ វិធីសាស្រ្តនេះជួយគាំទ្រដល់កុមារអូទីស្សឹមតាមរយៈការប្រើប្រាស់រូបភាពជំនួយ (visual tools),បរិយាកាសរៀបចំដែលមានរចនាសម្ព័ន្ធច្បាស់លាស់ កាលវិភាគផ្ទាល់ខ្លួន និងប្រព័ន្ធរៀបចំថ្នាក់រៀនមានសណ្តាប់ធ្នាប់ល្អ។ បុគ្គលិកទាំងអស់បានទទួលការបណ្ដុះបណ្ដាលពីកម្មវិធី TEACCH ទាំងក្នុងប្រទេស និងពីសហរដ្ឋអាមេរិកផងដែរ។

សាលាអប់រំពិសេសក្ដីសង្ឃឹមកុមារ គឺជាការបង្រៀនបែបលក្ខណៈបុគ្គល ដើម្បីជួយបំពេញតម្រូវការរបស់កុមារដែលមានបញ្ហាផ្លូវចិត្ត ផ្លូវកាយ អារម្មណ៍ និងមានវិបត្តិអាកប្បកិរិយា។ កម្មវិធីនេះដឹកនាំដោយអ្នកស្រី ម៉ម ឡៃ ដែលមានបទពិសោធន៍ជាង 17 ឆ្នាំ កម្មវិធីនេះផ្តល់នូវវិធីសាស្រ្តសិក្សាផ្ទាល់ខ្លួន និងកុមារដែលមានតម្រូវការពិសេស។

ការវិភាគ និងការអនុវត្តន៍វិធីសាស្រ្តគ្រប់គ្រងវិបត្តិអាកប្បកិរិយា ក្នុងការស្រាវជ្រាវ វាជាវិធីសាស្ត្រមួយដ៏សំខាន់

 សម្រាប់ជួយកុមារឲ្យមានអាកប្បកិរិយាល្អប្រសើរ ការទំនាក់ទំនង ផ្នែកជំនាញសង្គម​និងសមត្ថភាពរស់​នៅប្រចាំថ្ងៃចំពោះកុមារដែលមានអូទីស្សឹម។ លោកគ្រូអ្នកគ្រូនៃសាលាអប់រំពិសេសក្ដីសង្ឃឹមកុមារ​បានទទួលការបណ្តុះបណ្តាលបច្ចេកទេសនេះដោយច្បាស់លាស់ និងធានាបានក្នុងការជួយអន្តរគមន៍កុមារប្រកបដោយគុណភាពខ្ពស់ និងមានលទ្ធផលល្អជាវិជ្ជមាន។

ការព្យាបាលមុខងារ​ប្រចាំថ្ងៃ អាចជួយកុមារក្នុងការអភិវឌ្ឍជំនាញសំខាន់ៗសម្រាប់ការរស់នៅប្រចាំថ្ងៃ របៀបនៃការលេង ការត្រៀមខ្លួនរួចជាស្រេចដើម្បីទៅសាលារៀនធម្មតា ការអភិវឌ្ឍចលនាតូច ចលនាធំ ដំណើរការនៃញ្ញាណ និងការគ្រប់គ្រងអារម្មណ៍។ ការព្យាបាលគឺផ្អែកលើការលេងដែលមានមុខងារច្បាស់លាស់ ហើយរៀបចំឡើងតាមតម្រូវការរបស់កុមារម្នាក់ៗ។

ការព្យាបាលនេះជួយដំណើរនៃញាណរបស់កុមារដែលមានការលំបាក និងជួយឆ្លើយតបកាន់តែមានប្រសិទ្ធភាពសម្រាប់ដំណើរការនៃញាណរបស់ពួកគេ។ អ្នកជំនាញដែលមានបទពិសោធន៍ខាងវាយតម្លៃលើផ្នែកញាណរបស់កុមារ និងធ្វើការស្វែងយល់ពីបញ្ហាញាណរបស់កុមារម្នាក់ៗ ដើម្បីពង្រឹងការផ្ចង់ អាកប្បកិរិយា និងការចូលរួម។ ការព្យាបាលនៃដំណើរការនៃញាណគឺធ្វើការឆ្លើយតបកាន់តែមានប្រសិទ្ធភាពសម្រាប់កុមារដែលមានផលលំបាកផ្នែកញាណ។ 

ការជួយកុមារចាប់ពីអាយុ18 ឡើងទៅ ការជួយអន្តរាគមន៍ដំបូងគឺផ្តោលទៅលើ ចលនា ការយល់ដឹង និងការអភិវឌ្ឍន៍ផ្លូវចិត្តនិងផ្នែកជំនាញសង្គម។ ជំនាញទាំងនោះ ធ្វើការរួមគ្នាដើម្បីគាំទ្រដល់ការលូតលាស់ដ៏ល្អប្រសើររបស់ពួកគេ។

ការព្យាបាលតាមរយៈការលេងជួយកុមារ បញ្ចេញនូវអារម្មណ៍របស់ខ្លួន អភិវឌ្ឍជំនាញសង្គម បង្កើននៅអាកប្បកិរិយាល្អ និងការពង្រឹងភាពច្នៃប្រឌិត។ កម្មវិធីនេះដឹកនាំដោយ អ្នកស្រីនាយិកាសាលាដែលមានបទពិសោធន៍នៅលើកម្មវិធី​ Play Therapy Level 1។​ ការព្យាបាលតាមរយៈការលេង មិនតែប៉ុណ្ណោះ​សាលាអប់រំពិសេសក្ដីសង្ឃឹមកុមារ​ក៏បានបញ្ចូលការរៀនតាមរយៈការលេងទៅក្នុងកម្មវិធីសិក្សាប្រចាំថ្ងៃផងដែរ។

ការព្យាបាលភាសា និងការនិយាយជួយបង្កើននៅទំនាក់ទំនង ការនិយាយច្បាស់ៗ ការយល់ដឹង និងការអភិវឌ្ឍន៍ភាសា។ កម្មវិធីសិក្សានេះត្រូវបានដឹកនាំដោយ អ្នកជំនាញភាសា និងការនិយាយ (Speech-Language Pathologist) ប្របកដោយវិជ្ជាជីវៈខ្ពស់ រៀងរាល់វគ្គសិក្សាត្រូវបានបង្កើតឡើងតាមតម្រូវការរបស់កុមារនិមួយៗ ហើយមាតាបិតា ក៏ទទួលបានការបណ្តុះបណ្តាល ដើម្បីគាំទ្រការប្រាស្រ័យទំនាក់ទំនងនៅតាមគេហដ្ឋានបន្ថែមទៀត។

ការព្យាបាលតាមបែបសិល្បៈធ្វើឲ្យកុមារ ចេះបញ្ចេញនៅអារម្មណ៍ បង្កើនភាពទំនុកចិត្ត អភិវឌ្ឍជំនាញចលនា

និងការគ្រប់គ្រងអារម្មណ៍របស់ពួកគេតាមរយៈសកម្មភាពច្នៃប្រឌិតនានា។ កម្មវិធីនេះជាការព្យាបាលដ៏មានប្រសិទ្ធភាព និងរីករាយបំផុតសម្រាប់កុមារដែលមានតម្រូវការពិសេស។

ការទំនាក់ទំនងតាមរយៈការផ្លាស់ប្តូររូបភាពគឺជា ប្រព័ន្ធទំនាក់ទំនងដែលទទួលស្គាល់ជាសកលដែលជួយកុមារពិបាកក្នុងការនិយាយ ហើយធ្វើការទំនាក់ទំនងគ្នាតាមរយៈរូបភាព។ អ្នកជំនាញរបស់យើង ទទួលការបណ្តុះបណ្តាលក្នុងកម្មវិធី PECS Level 1 នៅសិង្ហបុរីដើម្បីធានាអំពីការផ្តល់សេវាកម្មប្រកបដោយស្តង់ដារសកល។

កម្មវិធីនេះរៀបចំសម្រាប់កុមារដែលមានអូទីស្សឹម ដើ្បមីជួយពួកគេឲ្យមានការអភិវឌ្ឍន៍ជំនាញសង្គម ការទំនាក់ទំនង, ការអប់រំ, ការគ្រប់គ្រងអារម្មណ៍ ជំនាញនៃផ្នែកញាណល្អ និងការរៀនម្នាក់ឯងប្រកបដោយភាពឯករាជ្យ។ វិធីសាស្ត្រនេះដែលបានបង្កើតឲ្យមានលទ្ធផលល្អ ដូចជាកម្មវិធីការវិភាគ និងការអនុវត្តន៍វិធីសាស្រ្តគ្រប់គ្រងវិបត្តិអាកប្បកិរិយាការបង្រៀនតាមបែបរចនាសម្ព័ន្ធ និង ការទំនាក់ទំនងតាមរយៈការផ្លាស់ប្តូររូបភាព។

ការបណ្តុះបណ្តាលបែប ADL គឺបង្រៀនជំនាញក្នុងការថែទាំ ដូចជា ការសម្អាតខ្លួន ការស្លៀកពាក់ ការបរិភោគអាហារ ការចូលបន្ទប់ទឹក និងរបៀបថែរក្សាសុខភាពជាដើម។ គោលបំណងគឺបង្កើនភាពឯករាជ្យ, ទំនុកចិត្ត និងសមត្ថភាពប្រចាំថ្ងៃដល់កុមារ។

ឪពុកម្ដាយទទួលបានការបណ្ដុះបណ្ដាលជាប្រចាំ នៅរបៀបនៃការគាំពារផ្នែកអារម្មណ៍ និងការណែនាំ ឲ្យយល់ដឹងអោយកាន់តែប្រសើរអំពីតម្រូវការ និងការអភិវឌ្ឍន៍របស់កុមារ។ សេវាកម្មរួមមានការប្រឹក្សា ការចូលរួមសិក្ខាសាលា ការមើលថែកូននៅតាមគេហដ្ឋាន ការសហការរវាងសាលារៀននិងអាណាព្យាបាល និងការរៀបចំផែនការផ្ទេរនការគាំពារជាដើម។

យើងខ្ញុំផ្តល់ការគាំពារទៅតាមតម្រូវការរបស់កុមារដែលមានការអភិវឌ្ឍន៍សតិបញ្ញាយឺតតាមរយៈផែនការអប់រំ ការព្យាបាលរាងកាយ  ការព្យាបាលមុខងារប្រចាំថ្ងៃ​ និងការរៀនសម្របខ្លួនជាដើម ។ អ្នកជំនាញប្រកបដោយការទទួលខុសត្រូវខ្ពស់ក្នុងការជួយកែលម្អសមត្ថភាពរាងកាយ ជំនាញទំនាក់ទំនង និងការអភិវឌ្ឍន៍ក្នុងបរិយាកាសការថែរទាំ និងការរួមបញ្ចូលគ្នា។